admin

नेपाल ज्योतिष परिषद्को १८ औं राष्ट्रिय ज्योतिष, वास्तु तथा अध्यात्म सम्मेलन  आगामी कात्र्तिक १६ र १७ गते दाङ्गको घोराहीमा  सम्मेलन गर्ने निर्णय भएको केन्द्रीय सचिव भट्टराईले बताउनुभयो । केन्द्रीय अध्यक्षको संयोजकत्वमा मूल आयोजक समिति , केन्द्रीय सचिव डा अर्जुनप्रसाद भट्टराईको संयोजकत्वमा व्यवस्थापन समिति गठन गरिएको वताउनु भयो  । कार्यक्रमको मूल आयोजक समिति नेपाल ज्योतिष परिषद् केन्द्रीय समिति रहनेछ भने सह आयोजकमा नेपाल ज्योतिष परिषद् जिल्ला समिति दाङ्ग र लुम्बिनी प्रदेश समिति रहने वताईएको छ ।नेपाल ज्योतिष परिषद्को केन्द्रीय १८ औं राष्ट्रिय ज्योतिष, वास्तु तथा अध्यात्म सम्मेलन २०८० सफल पार्न सम्पूर्ण ज्योतिषीलाई नेपाल ज्योतिष परिषदका केन्द्रीय सचिव प्राध्यापक डा. अर्जुन प्रसाद भट्टराईले आग्रह गर्नुभएको छ ।सम्पुर्ण ज्योतिषिहरु कात्र्तिक १६ र १७ गते घोराहीमा उपस्थिति हुन अनुरोध गर्नुभएको छ । 

सम्पूर्णानन्द विश्वविद्यालय बाट २०२३ को ३ तहको परिक्षा तालिका सार्वजनिक गरेको छ । (शास्त्री प्रथम आचार्य द्वितीय र चतुर्थ सेमेस्टर) परिक्षा रहेको छ। सम्पूर्णानन्द संस्कृत विश्वविद्यालय वाराणसीमा कयौं नेपाली विद्यार्थी अध्ययन गर्दै आएका छन् । परिक्षा तालिका हेर्नु होस् । Download PDF

सन्तोष ज्योतिष तथा वास्तु परामर्श केन्द्रले अन्तराष्ट्रि स्तरमा परामर्श सेवा सुरुगरेको छ । सामान्यतया वेवसाइट भाइवर व्वाटसप बाटै समय शुरक्षित गरि अडियो भिडियो कल बाटै ज्योतिष एवं वास्तु परामर्श लिन मिल्ने व्यवस्थापन गरेको छ । त्यसो त आचार्य प्रकाश पौडेलले भारतमा ज्योतिष तथा भागवत अध्यन गरि २०१७ भन्दा पहिलानै भारतमा पहिलो पटक हिन्दी भाषामा सप्ताहमहायज्ञ गरि आफ्नो जीवनको आध्यात्मिक सुरुवात प्रारम्भ गर्नु भएको थियो । भारतमै ज्योतिष प्रशिक्षण गराउदै आउनु भयो । पछि कपिलवस्तुको बाणगंगा नगरपालिका बाट कार्यालय स्थापना गरि नेपाल सरकारको सम्वन्धि निकायमा दर्ता गरि राष्ट्रिय तथा अन्तराष्ट्रिय सेवा प्रदान गर्दै आउनु भएको छ । हजुरवुवा स्व० कृष्णप्रसाद बुवाः शालिकराम पौडेल स्वयं आफु प्रकाश पौडेल ज्योतिष विषयका जानकार हुनु हुन्छ

जनै पूर्णमाका विषयमा अन्योल थपिदै गए पछि नेपाल पञ्चाङ्ग निर्णायक विकास समिति एक विज्ञप्ति जारी गर्दै अन्योलमा नरहन आग्रह गरेको हो । विज्ञप्तिमा के छ ? वि।सं। २०८० सालको भाद्र १४ गते विहिवारको जनैपूर्णिमा, रक्षाबन्धन र गाईजात्रा पर्व सम्बन्धमा समाजमा हाम्रो धर्मशास्त्र, संस्कृति र परंपरामा असर पर्ने गरी भ्रामक टीका टिप्पणी र प्रचार(प्रसार भएकोले जनमानसमा भ्रम सृजना भएको भन्ने जानकारी समितिमा आएको छ । यस सन्दर्भमा नेपाल पञ्चाङ्ग निर्णायक विकास समितिमा धर्मशास्त्रीहरू र चाडपर्वविशेषज्ञहरूको उपस्थितिमा व्यापक छलफल गरी शास्त्रको मर्म र विद्वानहरूको राय मुताविक निर्णय भई स्वीकृत पञ्चाङ्गहरूमा उल्लिखित भाद्र १४ गते विहिवार पर्ने ऋषितर्पणी, रक्षाबन्धन र गाईजात्रा पर्व मनाउन हाम्रो धर्म, संस्कृति र परंपरा अनुकूल रहेको छ । अघिल्लो दिन पूर्णिमासँगै भद्रा रहेकाले १३ गते रात्रिमा ९ वजेर ३ मिनेटमा मात्र भद्रा सकिने हुँदा दिनमा रक्षाबन्धन गर्न मिल्दैन । रात्रिमा रक्षाबन्धन गर्ने परम्परा नभएका कारण भोलिपल्ट नै गर्नु पर्ने देखिन्छ । हालसम्म रक्षाबन्धन र जनै पूर्णिमालाई अलग अलग गर्ने परम्परा पनि छैन र एकै दिन गर्ने गरेको नै नेपालको परम्परा रहेको देखिन्छ । यस वर्षको जस्तो तिथिहरूको अवस्था गतवर्षहरूमा पनि परेको थियो जस्तै वि।सं। १९९४, २०२४, २०३०, २०३१, २०५५ २०६१, २०७० र २०७९ सालमा पनि परेको थियो । उक्त वर्षहरूमा १ घडीमात्र उदयपूर्णिमा भए पनि सोही दिन नै जनै पूर्णिमा मनाइएको पाइन्छ । धर्मशास्त्रमा विभिन्न मत भए पनि हाम्रो शाखासूत्र, अनुसार उदयव्यापिनी पूर्णिमा तिथिकै दिन उपाकर्म, रक्षाबन्धन आदि गर्ने हाम्रो परंपरासमेत रहि रहेको छ । भाद्र १४ गते का दिन पूर्णिमा तिथि को घट्यादि घ मुहूर्त व्यापी छँदैछ । यसको अनुकल्प २ मुहूर्त भए पनि पुग्छ । विधि निषेधको न्यायद्वारा अगिल्लो दिन उक्त पर्वमनाउने विधि र भोलिपल्ट मनाउनै नहुने निषेध पनि देखिन्न । चार वेदका पनि अनेक शाखासूत्र भएकाले कतिपय निर्णय स्वशाखा सूत्रानुसार हुने गर्दछ । स्वशाखा सूत्रमा फरक परेमा आफ्नो शाखासूत्रानुसार गर्ने छुट पनि सवैलाई रहेको सूचना समितिवाट स्वीकृत सवै पञ्चाङ्गहरूमा उल्लेख नै छ ।शास्त्रका निम्नलिखित वचनहरूले पनि उदयकाल पूर्णिमाको दिन नै उपाकर्म, रक्षाबन्धन आदि गर्नुपर्ने पुष्टि गर्दछ ।

माणिक्य (Ruby) माणिक्य सूर्यको एक मूल्यवान् रत्न हो । सामान्यतया माणिक्यले सिंह राशि र मेष, सिंह र धनु लग्नका मानिसका लागि सकारात्मक उर्जा प्रदान गर्दछ । कुण्डलीमा सूर्यको स्थिति अनुकुल नभएमा माणिक्य धारण गर्नु फलदायी हुन्छ । सामान्यतया माणिक्यको रंग गुलाबी रातो हुन्छ । वैज्ञानिक दृष्टिले यसको रासायनिक संरचना एल्यूमीनियम आक्साईड, क्रिस्टलाईज कार्वन हो र यसमा लौह क्रोमियम, एल्मुनियम, अक्सीजनआदि तत्त्व मिश्रित हुन्छ, यो धारण गर्नाले सूर्यजन्य पिडा शान्त हुन्छ । माणिक्यको उपरत्न ‍‍‍‍लालडी, सूर्यकान्त,गार्नेट आदि हो । यसलाई आईतवार या विशेषज्ञको सल्लाहमा प्राणप्रतिष्ठा गरी अनामिका (साईंली) औंलामा धारण गर्नाले शुभफल मिल्नेछ । मोती (Pearl) मोती चन्द्रमाको एक मूल्यवान् रत्न हो । सामान्यतया कर्कट, वृश्चिक, मकर र मीन लग्न भएका जातक र कर्कट राशिका लागि मोती धेरै राम्रो मानिन्छ । कुण्डलीमा चन्द्रमाको स्थिति अनुकुल नभएमा मोती धारण गर्नु लाभदायी हुन्छ । सामान्यतया मोतीको रंग चमकिलो सेतो हुन्छ र यो एक जैविक रत्न हो । वैज्ञानिक दृष्टिले आधुनिक रासायनिक शास्त्र अनुसार मोतीमा क्याल्सियम, जैव पदार्थ, पानी, अक्सीजन र अन्य तत्त्वहरू हुन्छन् । मोतीको उपरत्न सीप, चन्द्रकान्ता र शंखमुक्ता हो । यसलाई सोमवार या विशेषज्ञको सल्लाहमा प्राणप्रतिष्ठा गरी कच्छी औंलामा धारण गर्नाले शुभफल मिल्नेछ । मूंगा (Coral) मूंगा मंगल ग्रहलाई प्रतिनिधित्त्व गर्ने मूल्यवान् जैविक रत्न हो । मूंगा सामान्यतया मेष, वृश्चिक, सिंह र कर्कट लग्न भएका जातक र मेष र वृश्चिक राशिका लागि अत्यन्तै प्रभावकारी मानिन्छ । कुण्डलीमा मंगलको स्थिति अनुकुल नभएमापनि मूंगा धारण गर्न सकिन्छ । सामान्यतया मूंगा सिन्दुरे रातो वा गेरुवा रंगको हुन्छ । वैज्ञानिक दृष्टिले आधुनिक रासायनिक शास्त्र अनुसार मूंगा मापनि क्याल्सियम, कार्बन, अक्सीजन र अन्य तत्त्वहरू हुन्छन् । मूंगा को उपरत्न तामडा हो । मूंगा लाई मंगलवार या विशेषज्ञको सल्लाहमा प्राणप्रतिष्ठा गरी साईली औंलामा धारण गर्नाले शुभफल मिल्नेछ । पन्ना (Emerald) पन्ना बुध ग्रहको प्रतिनिधित्त्व गर्ने मूल्यवान् खनिज रत्न हो । पन्ना सामान्यतया वृष, सिंह, धनु र मेष लग्न र मिथुन र कन्या राशिका मानिसले धारण गर्दा अत्यन्तै लाभदायी हुनेछ । कुण्डलीमा बुध ग्रहको अनुकूल स्थिति नभएमापनि पन्ना धारण गरी शुभफल प्राप्त गर्न सकिन्छ । वैज्ञानिक दृष्टिले आधुनिक रासायनिक शास्त्र अनुसार पन्नामा एल्मुनियम, बेरिलियम सिलिकेट, ग्रेनाइट, पेग्मेटाईट र अन्य तत्त्वहरू हुन्छन् । यो भारत, श्रीलंका, पाकिस्तान, अस्ट्रेलिया, ब्राजिल, इटाली, इन्डोनेशिया, नर्वे आदिमा उच्च स्तरको पन्ना पाईन्छ । पन्नाको रंग सामान्यतया हरियो हुन्छ । पन्नाको उपरत्न जबरजद्द हो । पन्नालाई बुधवार या विशेषज्ञको सल्लाहमा प्राणप्रतिष्ठा गरी कान्छी औंलामा धारण गर्नाले सुख एवं समृद्धि मिल्नेछ । पुखराज (Topaz, Yellow Sapphier) पुखराज बृहस्पति ग्रहको हुल्यावन् रत्न खनिज रत्न हो । सामान्यतया पुखराज धनु, मीन, मिथुन र कन्या लग्न र धनु तथा मीन राशिका जताकका लागि धेरै महत्त्वपूर्ण हुन्छ । कुण्डलीमा बृहस्पति ग्रहको प्रतिकूल स्थिति भएमापनि पन्ना धारण गरी सकारात्मक उर्जा प्राप्त गर्न सकिन्छ । यसमापनि वैज्ञानिक दृष्टिले आधुनिक रासायनिक शास्त्र अनुसार पुखराजमा एल्मुनियम, फ्लोरीन, सिलिका र अन्य तत्त्वहरू हुन्छन् । पुखराज पहेंलो, घ्यूरंग, सेतो सहित धेरै प्रकारको हुन्छ । पुखराजको उपरत्न सुनैला हो । पुखराजलाई विहीवार या विशेषज्ञको सल्लाहमा विधिपूर्वक प्राणप्रतिष्ठा गरी चोरी औंलामा धारण गर्नाले विद्या, बुद्धि, पद, प्रतिष्ठा, समृद्धि एवं प्रेम प्राप्तिमा निकै सहयोगी सिद्ध हुनेछ । हीरा (Diamond) शुक्रग्रहलाई प्रतिनिधित्व गर्ने बहुमुल्यवान् रत्न हीरा हो । यो पारदर्शी र शितलता प्रदान गर्ने खनिज रत्न हो । वृष, तुला, कन्या, मकर र कुम्भ लग्न र वृष एवं तथा तुला राशिका जfताकका लागि धेरै महत्त्वपूर्ण हुन्छ । यसको प्रयोगले पारिवारिक सुख, सन्तान सुख प्राप्ति आदिको लागि महत्त्वपूर्ण भूमिका खेल्ने विश्वास छ । वैज्ञानिक दृष्टिले आधुनिक रासायनिक शास्त्र अनुसार हीरामा विशुद्ध क्रिस्टलाईज कार्वन हुन्छ यो एउटा कोईलाको जाति हो । कुण्डलीमा शुक्रग्रह जनित दुश्प्रभाव भएमा हीरा धारण गरी शुभ फल प्राप्त गर्न सकिन्छ । हीराको रंग सेतो, रातो, पहेंलो, हरियो, निलो, कालोआदि धेरै प्रकारको हुनेकुरा पौराणिक कथाहरूमा पाईन्छ । हीराको उपरत्न जिर्कन हो । हीरालाई शुक्रवार या विशेषज्ञको सल्लाहमा विधिपूर्वक प्राणप्रतिष्ठा गरी कान्छी औंलामा धारण गर्नाले विद्या, बुद्धि, पद, प्रतिष्ठा, समृद्धि एवं प्रेम प्राप्तिमा समेत निकै सहयोगी हुनेछ । नीलम (Blue Sapphire) नीलम शनि ग्रहको प्रतिनिधित्व कारक र शक्तिशाली खनिज रत्न हो । सामान्यतया मकर, कुम्भ, वृष, तुला लग्न र मकर एवं कुम्भ राशि भएका जfताकका लागि बहुउपयोगी सिद्ध हुन्छ । यसको प्रयोगले आयु, आरोग्य, भाग्यवृद्धि र शीघ्र सफलता दिलाउन सक्ने उर्जा, जातकलाई शिघ्र फल दिई राजालाई रंक र रंक लाई राजा बनाउने क्षमता नीलममा विद्यमान हुन्छ । वैज्ञानिक दृष्टिले यसको रासायनिक संरचना बेरिलियम सिलिकेट, एल्यूमीनियम आक्साईड हो र यसमा धेरै तत्त्वहरु मिश्रित हुन्छ । ग्रह गोचर या कुण्डलीमा शनि ग्रहको प्रतिकूल स्थिति भएमापनि नीलम धारण गरी सकारात्मक उर्जा प्राप्त गर्न सकिन्छ । नीलमको रंग धेरै प्रकारको भएता पनि अधिकतम नीलो रंगकै हुन्छ भने यसको उपरत्न लाजवर्द, ब्लु गार्नेट, कटैलाआदि हो । नीलमलाई शनिवार या विशेषज्ञको सल्लाहमा विधिपूर्वक प्राणप्रतिष्ठा गराई मध्यमा (माझी) औंलामा धारण गर्नाले चमत्कारी लाभ मिल्नेछ । गोमेद (Zircon,Hessonite) राहु ग्रहको प्रतिनिधित्त्व गर्ने खनिज रत्न गोमेद हो । यसको रंग गोमूत्रको समान हुन्छ । यसको प्रयोगले ग्रह गोचर, राहुजन्य ग्रहको प्रतिकूल स्थिति भएमा, राहुजन्य दोष, सर्पयोग, महादशा, अन्तरदशाआदि प्रतिकूल भएमा गोमेद धारण गरी शुभफल प्राप्त गर्न सकिन्छ । वैज्ञानिक दृष्टिले आधुनिक रासायनिक शास्त्र अनुसार गोमेदमा एल्यूमीनियम, अक्सीजन, जरकोनियम सिलिकेट, आदि तत्त्व हुन्छ भने यसको उपरत्न तुरसावा र साफी आदि हो र यो उपरत्न धारण नगरेकै राम्रो मानिन्छ । यसको प्रयोगले शुभ अशुभ फल तत्कालै देखा पर्दछ त्यसैले विशेषज्ञको सल्लाहमा विधिपूर्वक प्राणप्रतिष्ठा गराई शुभ साईतमा माझी औंलामा धारण गर्नाले राम्रो फल मिल्नेछ । लहसुनिया (Cat’s Eye) लहसुनिया वा वैदूर्य केतुग्रहको प्रतिनिधित्त्व कारक खनिज रत्न हो । विरालोको आँखा जस्तै चम्किलो देखिने यो रत्न अन्य पत्थरको तुलनामा एकदमै भिन्न प्रकारको हुन्छ । लहसुनिया धारण गर्नु भन्दा पूर्व विज्ञहरूको सल्लाह एवं सुझाव अनुसार धारण गरेमा चमत्कारी लाभ मिल्नेछ । वैज्ञानिक दृष्टिले लहसुनियालाई दुई भागमा विभाजन गरिएकोछ: क्राइसोबेरिल र स्फटिक वर्ग । क्राइसोबेरिलमा एल्यूमीनियम, बेरीलियम र क्रोमियम विद्यमान हुन्छ भने स्फटिकीयमा सिलिका, अक्सीजन आदि तत्त्व हुन्छ । कुण्डलीमा केतु ग्रहको अनुकूल स्थिति भएमा, केतुको ग्रहगोचर नराम्रो भएमापनि लहसुनिया धारण गरी शुभफल प्राप्त गर्न सकिन्छ । लहसुनियाको उपरत्न संगी र गोदन्ती हो । लहसुनियालाई शुभदिनमा विशेषज्ञको सल्लाहमा प्राणप्रतिष्ठा गरी माझी औंलामा धारण गर्न सकिन्छ । यहाँहरूको अमूल्यजीवन रत्नमय होस्, शुभकामना ।